Milli Hidrometeorologiya Xidmətinin iyunun 2-si saat 11:00-a olan məlumatına əsasən əvvəlcədən xəbər verildiyi kimi ölkə ərazisində qeyri-sabit, küləkli və yağıntılı hava şəraiti müşahidə olunur.
Milli Hidrometeorologiya Xidmətindən Viral.az-a verilən xəbərə görə Daşkəsən, Gədəbəy, Goranboy, Göygöl, Şamaxı, Zaqatala rayonlarının bəzi yerlərində dolu düşub.
Son Yazılar:
- 5 il cavanlaşmaq istəyənlərə dəyərli MƏSLƏHƏT
- Buzlu suda çimmək faydalıdırmı? – ARAŞDIRMA
- B vitamininin faydaları və ÇATIŞMAZLIQLARI
Qusar, Zaqatala (Əlibəy) , Gədəbəy, Beyləqan, Qrız, Daşkəsən, Quba, Ağdam, Qax, İmişli, Xınalıq, Şahdağ, Şəki, Göygöl, Şamaxı, Qəbələ, Naftalan, Sabirabad, İsmayıllı, Qobustan, Oğuz, Balakən, Xaltan, Göyçay, Gəncə, Tərtər, Mingəçevir, Altıağac, Ağsu, Kürdəmir, Yevlax, Naftalan, Şəmkir, Naxçıvan, Bakıda və Abşeron yarımadasında şimşək çaxıb, arabir qısamüddətli leysan xarakterli yağış yağıb.
Narıncı və sarı xəbərdarlığa uyğun olaraq ölkə ərazisinin bəzi ərazilərində şimal-qərb küləyi əsib, Bakıda və Abşeron yarımadasında küləyin sürəti narıncı xəbərdarlığa uyğun olaraq 28 m/s, Naftalanda 24 m/s, Goranboyda 23 m/s, sarı xəbərdarlığa uyğun olaraq isə Neftçalada 20 m/s, Culfa, Mingəçevir, İsmayıllıda 18 m/s, Göygöldə 17 m/s, Gəncədə isə 16 m/s əsib.
Ölkə ərazisində müşahidə olunan küləkli və yağıntılı hava şəraiti iyunun 2-si axşamadək davam edəcək.
