Çeçenistan rəhbəri Ramzan Kadırovun bacısı oğlu Adam Çerxiqov muxtar bölgənin nəqliyyat, rabitə və rəqəmsal inkişaf naziri təyin edilib.
Viral.az xəbər verir ki, bu barədə Kadırov özünün teleqram kanalında yazıb.
Son Yazılar:
- Türkiyə və Moldova enerji sahəsində əməkdaşlıq memorandumu imzaladılar
- Mahir Emreli Almaniya klubunda məhsuldar ötürmə VERDİ
- Taleh Yüzbəyovun xanımı qəzaya düşdü – FOTO
“Çeçenistan Respublikasının Nazirlər Kabinetində və hökumətində kiçik kadr və struktur dəyişiklikləri edilib. Adam Çerxiqov Ramzan Çerxiqov əvəzinə Çeçenistan Respublikasının nəqliyyat, rabitə və rəqəmsal inkişaf naziri təyin edilib”, – deyə Ramzan Kadırov bildirib.
2007-ci ildən bu vəzifəni Adam Çerxiqovun atası Ramzan Çerxiqov tuturdu. Adam Çerxiqov yeni vəzifəyə təyin olunmazdan əvvəl Çeçenistan hökumətinin məktəbəqədər təhsil komitəsinin sədri olub.
Çeçenistan rəhbəri qeyd edib ki, “gənc yaşına baxmayaraq” Adam Çerxiqov rəhbər vəzifələrdə böyük təcrübəyə malikdir.
Qeyd edək ki, ötən ay Kadırov böyük oğlu, 18 yaşlı Axmat Kadırovu idman naziri təyin edib.
