Dünyanın ən böyük timsahı kimi Ginnesin Rekordlar Kitabına düşən Kassius adlı timsah ölüb.
Bu barədə Viral.az “Reuters”ə istinadla xəbər verir.
Onun yaşının 110-dan çox olduğu güman edilirdi.
Son Yazılar:
- Dəm qazından zəhərlənən ana və qızı şəhidin ailə ÜZVLƏRİDİR
- İran İsrailə qarşı növbəti hücuma HAZIRLAŞIR
- ABŞ Rusiya ilə o sazişi imzalasaydı, müharibə başlamayacaqdı
“Marineland Melanesia Crocodile Habitat” təşkilatı sosial şəbəkə səhifəsində bir tondan çox çəkisi olan Kassiusun səhhətinin oktyabrın 15-dən pisləşdiyini yazıb.
“O, çox qoca idi və ehtimal ki, vəhşi timsahdan daha çox yaşadı. Kassius üçün çox darıxacağıq, lakin ona olan sevgimiz və onunla bağlı xatirələrimiz həmişə qəlbimizdə yaşayacaq”, – təşkilatın məlumatında deyilir.
Qeyd edək ki, sürünən 1984-cü ildə Avstraliyanın şimalındakı Kakadu Milli Parkında tutulmuşdu və o vaxtdan bəri Kvinslend ştatındakı timsah fermalarından birində yaşayırdı. Ona bu ad daha çox Məhəmməd Əli kimi tanınan əfsanəvi amerikalı boksçu Kassius Kleyin şərəfinə verilib.
Kassius 2013-cü ildə 6,17 metr uzunluğunda olan Filippindəki timsah Lolonqun ölümündən sonra Ginnesin Rekordlar Kitabına dünyanın ən böyük “əsir” timsahı kimi düşüb. O, digər timsahla döyüşdə quyruğunun bir hissəsini itirməsəydi, daha da böyük ola bilərdi.
