Bakıda Rumıniyanın Milli Günü və Rumıniyanın Böyük Birliyinin 106 illiyi ilə bağlı qəbul keçirilir.
Viral.az xəbər verir ki, Rumıniyanın Azərbaycandakı səfirliyinin təşkilatçılığı ilə keçirilən tədbir hər iki ölkənin dövlət himnlərinin səsləndirilməsi ilə başlayıb.
Tədbirdə Rumıniyanın Azərbaycandakı fövqəladə və səlahiyyətli səfiri Vasile Soare, fəxri qonaq qismində xarici işlər nazirinin müavini Samir Şərifov, ümumi qonaqlar arasında isə Avropa İttifaqının (Aİ) Azərbaycandakı nümayəndəliyinin rəhbəri Peter Mixalko, BMT-nin Azərbaycandakı rezident əlaqələndiricisi Vladanka Andeeva daxil olmaqla Azərbaycan akkreditə olunmuş diplomatik korpusun nümayəndələri, hərbi attaşelər, deputatlar iştirak edirlər.
