Yaponiyada səfərdə olan Diasporla İş üzrə Dövlət Komitəsinin sədri Fuad Muradov bu ölkənin Təhsil, Mədəniyyət, İdman, Elm və Texnologiya Nazirliyində olub.
Viral.az xəbər verir ki, nazir müavini xanım Honda Akiko ilə görüşdə son illər Yaponiyada təhsil alan azərbaycanlıların sayının ildən-ilə artmasından məmnunluq ifadə olunub, onların bu ölkənin böyük şirkət və müəssisələrində təcrübə keçməsinin Azərbaycana peşəkar mütəxəssislər qazandıracağını vurğulayıb. Səfər zamanı həmin tələbələrlə də görüşdüyünü xatırladan sədr komitənin gənclərlə, xüsusən xaricdə alan tələbələrlə bağlı həyata keçirdiyi layihələrdən söz açıb, təhsil sahəsində əməkdaşlığın dərinləşdirilməsinin və tələbə-təcrübə mübadiləsinin hər iki ölkənin maraqlarına uyğun olduğunu söyləyib.
Son Yazılar:
- “Rusiyada səfərbərliyə ehtiyac yoxdur” – Peskov
- Oğlumun canına and olsun ki, 100 min də versən, bunu etmərəm
- Dəmir yolu nəqliyyatı ilə sərnişindaşıma 24 %-ə yaxın ARTIB
Görüşdə Azərbaycanın Yaponiyadakı səfiri Gursel İsmayılzadə də iştirak edib.
Komitə sədri Yaponiya-Azərbaycan parlamentlərarası əlaqələr üzrə işçi qrupunun rəhbəri Akira Amari ilə də görüşüb. Görüşdə ikitərəfli münasibətlərin, o cümlədən parlamentlərarası əlaqələrin səviyyəsindən məmnunluq ifadə olunub. Səfərin məqsədi və komitənin fəaliyyəti barədə məlumat verən sədr dövlətlərarası münasibətlərdə diasporun güclənən rolundan, Yaponiyada təhsil alan azərbaycanlıların sayının getdikcə artmasından danışıb, Akira Amarini Azərbaycana səfərə dəvət edib.
Daha sonra parlament binası ilə tanışlıq olub.
