Heydər Əliyev şəxsiyyəti sayəsində Azərbaycan dövlətçiliyi xilas edildi, möhkəm sabitliyin əsasları və respublikanın gələcək inkişafı üçün zəmin formalaşdı.
Modern.as xəbər verir ki, bu barədə 15 İyun – Azərbaycanın Milli Qurtuluş Günü münasibətilə Şimali Kipr Türk Respublikası (ŞKTR) parlamentinin sədri Zorlu Törenin “Azərtac”a daxil olan təbrikində deyilir.
Son Yazılar:
- Oğlumun canına and olsun ki, 100 min də versən, bunu etmərəm
- Dəmir yolu nəqliyyatı ilə sərnişindaşıma 24 %-ə yaxın ARTIB
- Valideynlərin nəzərinə: Noyabrın 25-dən BAŞLAYIR
ŞKTR parlamentinin sədri Azərbaycan xalqının Ümummilli Liderinin kursunun tarixi rolunu və əhəmiyyətini vurğulayıb.
Təbrik mesajında deyilir: “Heydər Əliyev xaos və Azərbaycan əhalisinin rifahının ciddi şəkildə aşağı düşdüyü bir dövrdə hakimiyyət sükanı arxasına qayıtdı. O, çoxsaylı daxili və xarici çağırışlar, təhdidlər qarşısında ağsaqqal müdrikliyi, güclü dövlət xadimi mətanəti göstərdi ki, bu da Azərbaycanı dərin böhran vəziyyətindən çıxarmağa, ölkədə sabitliyi bərpa etməyə imkan verdi”.
ŞKTR parlamentinin sədri vurğulayıb ki, Azərbaycanın yüksəlişinin başlanğıcı, respublikanın siyasi, iqtisadi, mədəni inkişafı Heydər Əliyevin adı ilə bağlıdır.
O qeyd edib ki, Milli Qurtuluş Günü qardaş Azərbaycan xalqı üçün sadəcə növbəti bayram deyil, həm də həyatın bütün sahələrində tarixi dönüş günüdür: “15 İyun dost dövlətin qürur günüdür. Həqiqətən əlamətdar olan bu gündə Azərbaycanın xilaskarı Heydər Əliyevin xatirəsini dərin ehtiramla yad edirəm”.
