Çox uşaqlı valideynlərin beyin fəaliyyəti modelləri böyük ailəsi olmayanlara nisbətən struktur baxımından “cavan” olur. Bu, böyük bir ailənin rifahını qorumaq üçün beyni daim “gərmək” ehtiyacı ilə əlaqədar ola bilər.
Viral.az xəbər verir ki, bu barədə “Daily Mail” Yel Universitetinin alimlərinin araşdırmasına istinadən məlumat yayıb.
Tədqiqat Britaniya Biobank verilənlər bazasından (insan bioloji nümunələrinin böyük bir anbarı) 37 mindən çox subyektin beyin şəkillərini (maqnit rezonans görüntüləmə nəticələri) araşdırıb. Nəticələr göstərib ki, bir ailədə birdən çox uşağın olması valideynlər üçün “uzun müddətli neyroproteksiyaya” töhfə verib. Xüsusilə, çoxuşaqlı valideynlərdə strukturda beyin fəaliyyət nümunələri gənclərinkinə yaxın idi.
Son Yazılar:
- Qarabağa səfər edənlərin diqqətinə: Biletlər satışa ÇIXARILIR
- Bu qatarların reysləri bərpa OLUNUR
- Bu şəxslərdən "Xalq artisti", "Əməkdar" və "Əməkdar hüquqşünas" adları geri alındı – FƏRMAN
Elm adamları uşaqlara daim qayğı göstərmək, onları böyütmək və böyük bir ailədə müəyyən qaydalar yaratmaq ehtiyacının beyni “yaxşı formada” saxlamağa kömək etdiyini təklif ediblər. Həmçinin, neyroproteksiya çox uşaqlı valideynlərin, bir qayda olaraq, gündəlik sosial və fiziki fəaliyyət səviyyəsinin daha yüksək olması ilə əlaqədar ola bilər.
(redaktor.az)
