Smartfonun ekranının onun üzərindəki ən çirkli yer olması fikri çox inandırıcı səslənir. Biz hamımız vaxtaşırı silməyə çalışırıq, amma telefonun ekranını nəm salfetlə və ya ümumiyyətlə, əlimizə gələn hər hansı parça və maye ilə silmək mümkündürmü?
Viral.az bu barədə “Unian”a istinadən xəbər verir.
Telefonunuzun ekranını nə ilə silməməlisiniz – Stop siyahısı
Smartfonların təmiri üzrə mütəxəssislər qadcetin ekranını silmək üçün qəti qadağan olunan məhsulların siyahısını tərtib ediblər. Səbəblər müxtəlifdir.
Alkoqol
Bu mayenin ekranı digərlərindən daha yaxşı təmizləməsinə baxmayaraq, telefonun qoruyucu örtüyünü də məhv edərək onu zədələnməyə daha həssas edir.Telefonun ekranını antiseptik və ya spirt əsaslı nəm salfetlərlə silmək mümkündürmü? Həmçinin yox.
Şüşə təmizləyici maye
Smartfon ekranı tam olaraq haqqında danışdığımız şüşə deyil. Pəncərələrdən və ya güzgülərdən fərqli olaraq çox həssasdır, buna görə də belə bir məhsul ekranın səthini korroziyaya uğradır.
Santexnika qurğularının və ya qabların təmizlənməsi üçün məişət kimyəvi maddələr
Mənzilinizi təmizləmək üçün istifadə etdiyiniz hər hansı kimyəvi maddələr smartfonunuz üçün qətiyyən uyğun deyil.
Peroksid
Başqa bir pis fikir, hidrogen peroksid ilə ekrandakı kirləri silməkdir. Bununla, siz bir neçə dəqiqə ərzində telefonunuzu mükəmməl təmizləyə bilərsiniz və sonra ekranın adi haldan daha tez toz və kiri “çəkməyə” başladığını görəcəksiniz.
Sirkə
Nadir haldır, lakin elə olur ki, evdar qadınlar telefonlarının cazibədar görünüşünü bərpa etmək üçün belə əlverişli turşudan istifadə edirlər. Ancaq heç bir usta bunu etməyi məsləhət görmür – turşu ekranın qoruyucu xüsusiyyətlərini korlayır və həssas displey onun bu cür barbar rəftarından qətiyyən məmnun olmayacaqdır.
Ən pis iki seçim cins şalvar və kağız dəsmaldır.
Yusif EYVAZLI