Laçında dörd hərbçimizin həlak olduğu hövzənin yenidən fəaliyyəti barədə məsələyə aydınlıq gətirilib.
Viral.az-ın məlumatına görə, Laçın rayonunda Prezidentin xüsusi nümayəndəliyinin əməkdaşı Hüseyn Quliyev “Baku TV”yə bildirib ki, hazırda bu hövzənin istifadəyə verilməsi mümkünsüzdür:
“Daxili İşlər Nazirliyinin (DİN) rayon polis şöbəsinin əməkdaşları ilə birgə müvəqqəti olaraq qabaqlayıcı tədbir kimi həmən su ərazisinin ətrafı kustar üsullarla müvəqqəti olaraq qapadılıb. Hesab edirik ki, gələcəkdə su hövzəsinin faydaları qiymətləndiriləcək və insan sağlamlığı üçün zərərli olmadığı bir daha təsbit olunduğu halda aidiyyəti üzrə məruzə olunub razılaşdırılaraq istirahət mərkəzi və ya sanatoriya kimi formalaşdırılması məsələsinə baxılacaq”.
Son Yazılar:
- Ermənistanda ÜDM-in artım tempi azalacaq, işsizlik artacaq
- Dəmir yolu nəqliyyatı ilə sərnişindaşımada kəskin ARTIM
- İqlim maliyyəsi həssas ölkələrə güzəşt deyil, iqlimlə mübarizə üçündür
Qeyd edək ki, iyulun 30-u Laçın rayonu ərazisində kükürd qazlı termal sularda çimərkən, ilkin ehtimala görə, zəhərlənən Azərbaycan Ordusunun hərbi qulluqçuları – kapitan Asif Qəhrəman oğlu Emnalıyev, gizir Fərid Famil oğlu Cəbrayılov, müddətdən artıq həqiqi hərbi xidmət hərbi qulluqçuları – çavuş Tural Maşallah oğlu Səmədov və çavuş Emin Oqtay oğlu Şahmarlının meyitləri aşkar edilib. // modern.az
