Ukrayna Silahlı Qüvvələri Rusiyanın Kursk vilayətində 92 yaşayış məntəqəsinə nəzarət edir.
Viral.az xəbər verir ki, bunu Ukrayna prezidenti Volodimir Zelenski diplomatik nümayəndəliklərin rəhbərlərinin görüşündə deyib.
Son Yazılar:
- Dəmir yolu nəqliyyatı ilə sərnişindaşımada kəskin ARTIM
- İqlim maliyyəsi həssas ölkələrə güzəşt deyil, iqlimlə mübarizə üçündür
- COP29-da İtki və Zərər Fondunun tam fəaliyyəti ilə bağlı qərar qəbul OLUNDU
O qeyd edib ki, Ukraynanın nəzarət etdiyi ərazinin ümumi sahəsi 1250 kvadrat kilometrdən çoxdur.
“Mövqelərimiz gücləndirilir, müəyyən edilmiş ərazilər sabitləşdirilir və Ukrayna üçün mübadilə fondu doldurulur. Ümumiyyətlə, bu əməliyyat ukraynalıların rus əsirliyindən azad edilməsi prosesinə ən böyük sərmayəmiz oldu – biz artıq bir əməliyyatda ən çox rus məhbusu ələ keçirmişik”, – Zelenski deyib.
Qeyd edək ki, ötən həftənin sonunda Ukrayna Silahlı Qüvvələrinin Ali Baş Komandanı Aleksandr Sırski Kursk vilayətində 82 yaşayış məntəqəsinə nəzarət etdiklərini açıqlayıb.
Ukrayna ordusunun hissələrinin daxil olduğu Kursk vilayətinin Sudjanski, Korenevski və Qluşkovski rayonlarında ümumilikdə 186 yaşayış məntəqəsi var.
