İtaliyanın Siciliya sahillərində yelkənli gəminin qəzaya uğraması nəticəsində britaniyalı milyonçu Maykl Linçdən başqa, qızı Hanna və yaxtanın aşpazı Rikardo Tomas itkin düşmüş hesab edilir.
Viral.az BBC-yə istinadla xəbər verir ki, bu barədə Siciliya Mülki Müdafiə Xidmətinin baş direktoru Salvatore Koçina bildirib.
Gəmidə itkin düşən digər üç sərnişinin adı açıqlanmır. Koçina bildirib ki, axtarış-xilasetmə əməliyyatları gecə boyu davam edəcək. Eyni zamanda BBC-nin həmsöhbəti ümid etdiyini bildirib ki, axtarış qrupları Romadan gələn mütəxəssislər tərəfindən gücləndirilib.
Son Yazılar:
- Çinli alimlər MEK-in qonağı oldular
- Kanalda meyiti tapılan şəxs tələbə İMİŞ
- Ərdoğan Putinlə telefonla DANIŞDI
ANSA-nın məlumatına görə, içərisində 22 nəfər (12 qonaq və 10 ekipaj) olan 56 m uzunluğunda yelkənli “Bayesian” gəmisi bazar ertəsi səhər Palermo şəhəri yaxınlığında batıb. Ehtimal olunur ki, buna qasırğa səbəb olub. Yaxta Britaniya bayrağı altında üzürdü və Britaniya mətbuatının yazdığına görə, Lynch ailəsinə məxsus idi.
Sahil mühafizəsi Palermo Uşaq Xəstəxanasına aparılan bir yaşlı uşaq da daxil olmaqla 15 sərnişini xilas edə bilib. Qəza yerində dalğıclar yaxtanın sərnişinlərindən birinin cəsədini aşkar ediblər. BBC-nin məlumatına görə, bu, aşpazlardan biridir. Altı, o cümlədən dörd britaniyalı hələ də itkin düşüb. Batmış gəmi sahildən təxminən 800 m məsafədə 49 m dərinlikdə yerləşir.
(redaktor.az)
