“Elə media subyektləri var, sanki bəd, mənfi yüklü xəbərlər istehsal edib tirajlamaq sahəsində “ixtisaslaşıblar”. Neqativ yaymaqdan zövq alan belələri ən adi məişət hadisəsini, ən xırda münaqişəni elə hay-həşirlə təqdim edirlər, elə bil, dünyanın sonudur”.
Viral.az-ın məlumatına görə, bu fikirləri Azərbaycan Mətbuat Şurasının sədri Rəşad Məcid bəzi hay-küyçü saytlar barəsində səsləndirib.
O qeyd edib ki, “hay-küyçülük” tendensiyanın vüsət almasında Türkiyənin bir sıra televiziya kanallarının da mənfi təsiri var.
Son Yazılar:
- Sahil Babayev onları işdən azad ETDİ
- Müəllimi atalarının yasında öldürən qardaşı ağır cəza ALDI
- Goranboyda məktəbdə müəllimə xəsarət YETİRİLDİ
“Sanballı telekanallarda bəzən elə hadisələri “mühüm” xəbərə çevirib böyük həyəcanla təqdim edirlər, adamı heyrət bürüyür: sən demə, tülkü hinə giribmiş, boz dana bağ-bostanı viran qoyubmuş, nə bilim daha nələr…
Ən pisi isə odur ki, belə xoşagəlməz nümunələr bizim ciddi saydığımız bəzi media orqanlarının da fəaliyyətinə sirayət edir”, – deyə Rəşad Məcid Kütləvi İnformasiya Vasitələri adına iddialı media subyektlərinə irad tutub.