Kəpək saçlı dərinin en çox rast gəlinən, həm qadınların, həm də kişilərin saçla bağlı yaşadıqları ortaq problemlərdən biridir.
Kəpək bir dəri xəstəliyidir. Keçici deyildir. Başda az miqdarda kəpək olması tam normal fizioloji prosesdir. Əgər kəpək problemi çox aşırı dərəcədədirsə, saç dərisi tez-tez soyulur və iri-iri dərilər tökülərsə bu zaman həkim trixoloqa (saç üzrə mütəxəssis) müraciət etməkdə fayda var.
Kəpək problemi həkim trixoloq tərəfindən müalicə olunmazsa bu digər xəstəliklərə – seboreik dermatitə yol aça bilir. Bu xəstəlikdə sadəcə saç dərisində deyil, burun kənarlarında, göz qapaqlarında, qulaq arxası kimi bölgələrdə də kəpəklənmələr olur. Bundan başqa kəpək problemi dəmrov, psoriaz kimi digər xəstəliklərə də gətirib çıxara bilər.
Son Yazılar:
- Növbəti il fantastik olacaq – Orban
- Rusiya, İraq və Səudiyyə Ərəbistanı neft bazarını müzakirə ediblər
- ABŞ Türkiyəyə “F-35” qırıcılarının təhvil verilməsi ilə RAZILAŞDI
Həkim trixoloq tərəfindən müayinə və aparat diaqnostikasından keçərək kəpəyin əmələ gəlmə səbəbi aydınlaşdırılır və müvafiq müalicə təyin olunur. Bura xüsusi pəhrizlər, vitamin və mikroelementlərdən ibarət vitamin serrumları, xüsusi hazırlanmış maska və şampunlar və s. daxildir. Əgər trixoloq daxili orqanların xəstəlikləri ola biləcəyindən şübhələnərsə bu zaman digər mütəxəssislərin müayinəsinə də göndərir.
Kəpək saç köklərinin ölü dərisinin pul-pul tökülməsidir. İnsan bədəni daima ölü hüceyrələr atır və bu da təxminən 24 gündən bir özünü yeniləmək anlamına gəlir. Baş dərisindəki ölü dəri hüceyrələrinin vaxtından əvvəl anormal hal kimi quruyaraq baş dərisindən atılması vəziyyətinə kəpək deyilir.
Ölmüş dəri hüceyrələri baş dərisinin səthində toplanması nəticəsində saçlar normal “nəfəs almadığına” görə zəifləyir, qırılır və tökülməyə başlayır.
Saçdakı kəpək probleminin 2 səbəbi var. Daxili və xarici səbəblər.
Daxili səbəblər:
– Hormonal dəyişikliklər
– Sağlamlıq problemləri
– Çox tərləmə
– Yetərsiz təmizlik
– Yanlış bəslənmə
– Allergiya
– Yorğunluq
– İmmunitetin zəiflənməsi
Xarici səbəblər:
– Saç boyaları və saç spreyləri
– Hava dəyişimi (soyuq hava və quru məkanlar)
– Saçın gec-gec yuyulması və yaxşı qurudulmaması
– Stress, panik.
Kəpəyin yaranmasına təkan verən Pityrosporum adı ilə tanınan Malassezia adlı yağla bəslənən maya bənzərli göbələkdir. Bu göbələk sağlam insanların saç dərisində də yaşayır və bir problem yaratmır, sadəcə saçı kəpəkləndirir. Ancaq yuxarıda qeyd etdiyimiz daxili və xarici səbəblər üzündən onların miqdarı birdən-birə artmağa başlayır ki, bu da kəpəklərin əmələ gəlməsinə səbəb olur.
Kəpəyin profilaktikasında əsas məsələ başın dərisinə və saçlara düzgün qulluq edilməsidir.
Əsas məsələlərdən biri də lazımi qədər meyvə tərəvəzlərdən istifadə etməklə düzgün qidalanmaq və həmçinin yetərli miqdarda su içməkdir. Su hüceyrələrdəki toksinlərin atılmasına və dərinin təbii halının qorunmasına yardımçı olur.
Günəş şüalarının kəpəyin azaldılmasında böyük rolu var.
Sizə çox effektli kəpək əleyhinə maskaları təqdim edirik.
1. Tərkib:
– 2 stəkan su, yarım stəkan alma sirkəsi, 4 x.q. bibəriyyə otu, 10 damcı çayağacı yağı, 1 x.q. bağayarpağı otu.
Hazırlanması:
Sirkə və suyu qarışdırılır və qaynadılır. İçərisinə bağayarpağı və bibəriyyə otu əlavə olunur. Dəmləməsi üçün 2 saat gözlənilir. Süzdükdən sonra çayağacı yağı əlavə edilir. 10-15 dəq sonra kükürtlü sabunla və ya lavanta tərkibli şampunlarla yuyulur.
2. Alma sirkəsini isidib, içərisinə 1 ovuc bağayarpağı əlavə edib 15 dəq. dəmlədikdən sonra süzüb, saçlı dəriyə massajla yeridilir.
Kəpəkdən qurtulmağın təbii yolları:
1. Saçınızı təmiz saxlayın.
2. Tibbi sampundan istifadə edərkən baş dərinizdə ən azı 5 dəq. saxlayın.
3. Saçlarınızı taxta daraqla darayın.
4. Stresdən uzaq durmağa çalışın.
5. Sağlıqlı bəslənin (fast-food, şəkərli qidaları azaldın).
6. Gün ərzində 2 l su için.
7. Aspirinlə müalicə (şampuna aspirin tozu qatmaq).
8. Təbii yağlardan istifadə.
9. Baş dərinizi ev şəraitində pilinq edin (duz və ya soda ilə).
10. Təbii maskalar edin (banan və alma sirkəsi ilə).
11. Çəmən otu toxumunun dəmləməsindən istifadə edin.
12. Tərkibində sodium lauryl sulfat (sls) şampunlardan uzaq olun.
