Azərbaycanda dəmir yollarında üztanıma ilə ödənişlərə başlanılacaq.
Viral.az-ın məlumatına görə, bunu bu gün “Dayanıqlı Mikromaliyyə üçün İnnovativ Həllər” mövzusuna həsr edilmiş Azərbaycan Mikromaliyyə Konfransında çıxışı zamanı “Sima Pay” “Azintelekom”un məhsul və xidmətlər şöbəsinin müdiri Tamerlan Məşədihəsənli deyib.
Onun sözlərinə görə, Azərbaycan Dəmir Yolları QSC ilə əməkdaşlıq çərçivəsində inteqrasiyaların həyata keçirilməsi gözlənilir. Bundan sonra dəmiryolu stansiyalarında “Sima Pay”lə ödəniş etmək mümkün olacaq.
