ABŞ veteranı 103 yaşını qeyd edib və uzunömürlülüyünün gözlənilməz sirrini açıb.
Viral.az xəbər verir ki, bu barədə “The New York Post” yazır.
Frank Pugliano 1921-ci ildə İtaliyada anadan olub. Altı yaşında ailəsi ilə birlikdə Amerikaya köçüb. 1942-ci ildə Pugliano Hərbi Dəniz Qüvvələrinə yazılıb və İkinci Dünya Müharibəsinə gedib. Sakit okean cəbhəsində yaponlara qarşı vuruşub və hətta Filippin sahillərində gəmiyə torpedo hücumundan sağ çıxıb.
Son Yazılar:
- 5 il cavanlaşmaq istəyənlərə dəyərli MƏSLƏHƏT
- Buzlu suda çimmək faydalıdırmı? – ARAŞDIRMA
- B vitamininin faydaları və ÇATIŞMAZLIQLARI
1945-ci ildə Pugliano ABŞ-yə qayıdıb və orta məktəb sevgilisi ilə evlənib. O, bütün ömrünü dizel mühərrikləri üzrə mexanik kimi çalışıb. Kişi 103-cü ad günündə uzunömürlülüyünün əsas səbəbi kimi “Coca-Cola”, soda və tünd şokolad sevgisini göstərib.
Yaşının qocalmasına baxmayaraq, Pugliano öz evində yaşayır və müntəzəm olaraq həyətdəki otları biçməyə davam edir. O hesab edir ki, fiziki fəaliyyət də onun uzunömürlülüyünə kömək edir.
“Bu, həyatımın ən böyük günüdür. Yaşadıqlarımı nəzərə alsaq, 103 yaşımda burada olacağımı heç düşünməzdim. Həyatın necə olacağını heç vaxt bilmirsən”, – o, ailəsi və dostlarının iştirak etdiyi ad günündə deyib.
Yusif EYVAZLI
