Bakıdakı COP29-da 200-ə yaxın ölkə yeni maliyyələşdirmə hədəfi üzrə razılığa gəlməyə çalışacaq.
Viral.az xəbər verir ki, bunu VI çağırış Milli Məclisin deputatı Tahir Mirkişili ATƏT-in Parlament Assambleyasının illik yay sessiyasında çıxışı zamanı söyləyib.
Son Yazılar:
- Prezident bu əsəsnamədə dəyişiklik ETDİ
- İlham Əliyev bu qanunlara dəyişiklik etdi
- Prezidentdən nazirlə bağlı SƏRƏNCAM
“Biz nümayiş etdirməliyik ki, dünya bir-birinə dəstək olmaq üçün birgə işləməyə hazırdır. Hazırda dünya əhalisinin təxminən yarısı borc faizlərinin təhsil və səhiyyə xərclərini üstələdiyi ölkələrdə yaşayır.
Təəssüf ki, keçmişdə COP 28-dən sonra verilən vədlərin necə yerinə yetirlməsinə nəzər salsaq görərik ki, çoxları yerinə yetirilməyib, hətta heç işə başlanmayıb da. Bir çox ölkələr müxtəlif təşəbbüslər, bəyannamələr, koalisiyalar imzalasalar da, lakin təəssüf ki, onların əksəriyyəti işləmir. İndi isə, bütün dünya üçün həllər tapmaq üçün çox kritik bir zamana gəlib çıxmışıq.
Maliyyə məsələlərinin həlli yollarını tapmaq və su problemləri, torpaqların deqradasiyası, yaşıl kənd təsərrüfatı, yaşıl bacarıqlar, ərzaq təhlükəsizliyi, yaşıl şəhər layihələri və s. kimi kritik mövzuları müzakirə etmək çox vacibdir. Azərbaycan dünyanın bütün ölkələrini əhatə edəcək və iqlim mövzularında çox konstruktiv dialoqun təşkil olunacağı bir platforma yaratmağı hədəfləyir”, – o qeyd edib.
