Göygöl rayonunun bir sıra kəndləri ayı hücumuna məruz qalıb.
Viral.az “report”a istinadla xəbər verir ki, Göygöl rayonu Toğanalı kəndində ayı insanların yaşadığı evlərin həyətinə daxil olub.
Toğanalı kəndinə istirahətə gedən Rövşən Əmiraslanoğlu “Report”un əməkdaşına gecə saatlarında həyətdə səs eşitdiyini bildirib.
Son Yazılar:
- Bu stansiyalar arasında interval 10 dəqiqə OLACAQ
- Həmcinsi ilə evlənən azərbaycanlı jurnalist BOŞANDI
- Əli Əsədov yeni qərar İMZALADI
O, həyətə çıxan zaman ayının çəpəri dağıdaraq həyətə daxil olduğunu görüb:
“Mən təxminən 4-5 metr ondan aralıda idim. Əl fənərinin işığını ayıya tərəf tutdum. Xoşbəxtlikdən ayı mənə hücum etmədi. Hardasa, on saniyədən çox ayı işığa doğru baxdı və sonra qonşunun həyətinə tərəf qaçdı”.
Qeyd edək ki, bir neçə ay öncə Göygöl rayonun digər kəndlərində də ayı sakinlərin təsərrüfatına hücum edib. Sakinlər ac ayının onlara xəsarət yetirəcəyindən ehtiyat edirlər.
