Ermənistanda etiraz aksiyalarına rəhbərlik edən keşiş Baqrat Qalstanyan müxalifət tərəfindən Nikol Paşinyana alternativ olacaq baş nazirliyə namizədi irəli sürülüb.
Viral.az Ermənistan KİV-nə istinadən xəbər verir ki, bazar günü İrəvanda keçirilmiş mitinqdə namizədliyi irəli sürülən Baqrat Qalstanyan deyib ki, onun belə bir gözləntisi olmayıb.
Son Yazılar:
- Ən ürəksiz BÜRCLƏRİN reytinqi
- Livanda BMT-nin 4 sülhməramlısı YARALANDI
- Türkiyədə terror aktı törətməyə hazırlaşan xüsusi təlim keçmiş terrorçu həbs OLUNDU
Qalstanyan öz üzərindən dini rütbəsini müvəqqəti götürmək xahişi ilə Bütün Ermənilərin Katolikosu II Qareqinə müraciət edib.
Baqrat Qalstanyan bildirib ki, ruhani rütbəsini saxlayacaq, lakin dini xidmət artıq dondurulub.
“Mən artıq Tavuş yeparxiyasında deyiləm, amma arxiyepiskop olmaqda davam edirəm”, – Qalstanyan deyib.
Beləliklə, etiraz aksiyaları başlanandan bəri müxalifət ilk dəfə baş nazir Nikol Paşinyana qarşı öz namizədinin adını açıqlayıb.
Xatırladaq ki, Ermənistanda etiraz aksiyaları aprelin 19-da İrəvanla Bakı arasında Tavuşda sərhədin delimitasiyası ilə bağlı əldə olunmuş razılığın məlum olmasından sonra başlayıb.
Daha sonra Tavuşdan İrəvana yürüşə rəhbərlik edən arxiyepiskop Baqrat Qalstanyan baş naziri istefaya çağırıb.
