Respublika üzrə payızlıq əkin sahələrinin 13 faizində biçin başa çatıb.
Kənd Təsərrüfatı Nazirliyində taxıl biçininin təşkili ilə bağlı yaradılmış operativ qərargahdan Viral.az-a bildirilib ki, bu günədək 131814 hektar sahədə biçin aparılıb.
Son Yazılar:
- İsrail Livanda sülh naminə fəaliyyət göstərir
- Gürcüstan ABŞ-nin ştatı deyil – Papuaşvili
- Aysel və Safuradan maraqlı paylaşım – VİDEO
Sahələrdən 373897 ton arpa, 7905 ton buğda yığılıb. Arpa sahələrinin 31 faizində, buğda sahələrinin isə 0,4 faizində biçin yekunlaşıb. Hazırda orta məhsuldarlıq arpa üzrə 28.9 sentner, buğda üzrə isə 31.8 sentner təşkil edir.
Respublika üzrə biçin prosesində 1203 kombayn iştirak edib. Bunlardan 674 kombayn fiziki və hüquqi şəxslərin özəl mülkiyyətində olan kombaynlardır. “Aqroservis” ASC taxıl biçininə 529 kombayn cəlb edib.
Ümumilikdə, “Aqroservis” ASC bu mövsüm taxıl biçininə 656 kombayn cəlb etməyi planlaşdırır. Kütləvi biçin prosesində 1803 kombaynın iştirak edəcəyi gözlənilir. “Aqroservis” ASC-nin kombaynları dislokasiya planı üzrə ilkin mərhələdə 5 hektaradək olan kiçik sahələrdə biçin aparır. Sosial biçin prosesi növbəlilik prinsipi əsasında reallaşır.
