Beynəlxalq alimlər qrupu, Böyük Partlayışdan təxminən 600-800 milyon il sonra, Kainatın sübh çağında üç sirli qırmızı obyekt aşkar ediblər.
Viral.az lenta.ru-ya istinadən xəbər verir ki, qalaktikaların mənşəyi və təkamülü ilə bağlı ənənəvi fikirləri alt-üst edən kəşf, “Astrophysical Journal Letters”də dərc olunan məqalədə bildirilir.
“James Webb” Kosmik Teleskopundan aparılmış spektral müşahidələr göstərdi ki, qeyri-adi sıx qalaktikalar olan bu cisimlər belə gənc Kainat üçün gözləniləndən çox daha yaşlı, yüz milyonlarla il yaşlı ulduzları ehtiva edir. Süd Yolunun mərkəzindəki qara dəlikdən 100-1000 dəfə böyük olan superkütləvi qara dəliklər də aşkar edilmişdir.
Son Yazılar:
- “Müdafiə xərclərinin artması dövlətimizin təhlükəsizliyini daha etibarlı şəkildə təmin etməyə imkan verəcək”
- Rasim Balayevin səhhəti necədir?
- MİQ-ə sənəd verənlərin yaş aralığı – SİYAHI
Tapılan obyektlər indiki qalaktikaların böyüməsi və qara dəliklərin formalaşması modellərinə uyğun gəlmir. Qalaktikalar və onların mərkəzi qara dəliklərinin milyardlarla il ərzində birlikdə böyüdükləri düşünüldüyündən, aşkar edilmiş obyektlər bu modellərə meydan oxuyur. Komanda həmçinin sistemlərin qeyri-adi dərəcədə kiçik ölçüsünü, bir neçə yüz işıq ili enində, eyni sayda ulduzu (10 milyarddan 1 trilyona qədər) ehtiva edən Süd Yolundan 1000 dəfə kiçik olduğunu qeyd edib.
Gələcəkdə alimlər bu obyektlərin təbiətini izah etmək üçün əlavə müşahidələr aparacaqlar. Onlar ulduzların emissiyasını qara dəlik tərəfindən udulmuş materialın emissiyasından ayırmağa kömək edəcək daha dərin spektrlər əldə etməyi planlaşdırırlar.
(redaktor.az)
